(圖片來源自網絡,非實際涉案圖片)

有時情侶好中意check另一半嘅電腦同手機,目的就係為咗對另一半嘅了解多啲,知道佢同咩人來往,可以提升安全感。有好多時會見到情侶無意中係對方手機同電腦度發現同第三者嘅message,不過今次呢一單就仲癲。係台灣桃園就有一位女士係用佢老公電腦果時發現25段av,本身以為係普通av,點知開入去發現男主角原來係佢老公!而且其中15段仲要係同同一個女人拍,一怒之下就告上法院。

根據《聯合新聞網》所報導,果位男人姓林,37歲。係3年內背住老婆同6個女人出軌,而且仲誇張到將性愛過程拍片放係電腦度留念,足足25條。結果佢老婆有一日就發現咗av入面嘅主角原來係老公,而影片中6位女主角都係好後生而且好好身材,即刻火都黎埋大興問罪之師。

(圖片來源自網絡,非實際涉案圖片)

不過林男就唔肯講果啲女人係咩人黎,靜係同佢講係一夜情。不過老婆就好細心咁發現有15段影片係同同一個人拍架,所以就唔接受呢個理由。一怒之下結果就提告林男妨害家庭。

不過林男即刻死曬狗馬上道歉都係哄唔返老婆,最後佢決定同法官坦承同呢6個女人搞外遇,但就始終拒絕透露呢6個女人嘅身分,但係佢就不斷同老婆道歉。最後佢老婆就決定原諒佢撤銷起訴。

小編:個老公搞外遇搞到咁有情有義真係世間少有,而個老婆知道老公出軌出到拍埋片都可以原諒佢,亦都非常有情有義,打和啦!