泰臣,一個曾經令觀眾如痴如醉嘅拳王。佢嘅攻擊可以用毀滅性黎形容,睇佢打拳有一種釋放人類潛在獸性嘅快感。李小龍,世界上其中一位最偉大嘅武道家,佢嘅功夫同哲學深深影響住世人。兩位對打嘅結果,係大小討論區已經成為老生常談,唔同嘅人就住呢個題目會嘈到面紅耳赤。李小龍已經離開咗人世,我地無辦法搵到佢地兩個對打,但係泰臣對於呢條假設性題目,就有自己嘅睇法。

係一條關於李小龍嘅紀錄片入面,記者就訪問到泰臣講講佢對李小龍嘅睇法。泰臣係佢回答入面對李小龍致敬,佢就話佢非常尊重李小龍對於武術嘅理念,特別係佢嘅哲學,佢非常欣賞李小龍對於生命同格鬥方面嘅哲學。李小龍已經離開多年,講起對方泰臣依然致以咁深嘅敬意,可想而之李小龍真係屬於武術界嘅一個傳奇。

完整片段: