今時今日,咖啡已經成功打入香港市場,繼幾年前前財爺話自己飲開咖啡係中產之後,唔少上班族得閒都去咖啡店坐下扮中產,後生仔女就會去溫下書又買一兩杯飲下。雖然咖啡醒腦提神而且好飲,但其實咖啡已經比世界衛生組織列為致癌因子之一,因為咖啡烘焙嘅時候會釋放出丙烯醯胺,呢種物質會增加甲狀腺癌腎上腺癌嘅機會,就連美國加州高等法院都開始向知名業者提告,如果真係勝訴,分分鐘到時買咖啡就好似買煙仔咁,會見到警告標語。

圖片來源:網上

咖啡比世界衛生組織列為致癌因子之一,因為咖啡豆係高溫烘培過程當中會釋放出丙烯醯胺,呢種致癌物質係即溶咖啡就最多,所以而家美國毒物研究機構就強烈要求加警告標語,而且同業者打官司,國內食藥署就視乎判決結果先再作跟進。

 

醫生就建議成人一天最好就唔好飲多過兩杯,嘩!睇到呢度小編真係諗返起子華神嘅一個棟篤笑表演,其中有一句就話:「食飯夠會死啦!」係,話唔定遲下餐廳真係會有禁咖啡區。

圖片來源:黃子華《兒童不宜》