大家有無收過朋友send message嚟叫你買點數卡呢?通訊軟件帳戶被盜情況之前非常猖獗,身邊唔少人都中過招,有網民要花十幾個鐘先可以取回帳戶。所以而家一見到「幫我到 7 仔買 My card ok?」呢類字句,大家都會提高警覺。

早前有網民在社交群組發帖分享老婆Whatsapp帳戶被盜的情況:「請問Whatsapp 比人入侵應該點攪?太太用 Samsung Android 機。」並附上一張對話截圖,看見頂端出現了「安全編碼已更改」的提示,樓主早已有所警剔,其後「老婆」留言:「忙緊嗎 可唔可以幫我個忙啊」,「幫我到7仔買My card ok?」,睇到呢度樓主已經知道又係點數卡詐騙,不過最抵死嘅係樓主老婆正正就在樓主身邊,於是樓主以一句說話KO:「你喺我隔離喎」,完美擊退「點數黨」!

image:

有關帖子引來一眾網民熱烈討論,紛紛笑指樓主應該有外遇:「你死啦,你到底幾多個老婆」、「你肯定係身邊個位老婆要mycard?」、「太多老婆嘅煩惱」、「問埋其他老婆先啦」。由於正值假期,最後樓主花了超過十小時才幫「老婆」取回帳戶。