一直以黎,F1賽車比賽過程入面,觀眾除咗睇住車手揸快車係賽道風馳電掣之外,其中一個看點就係睇住身材火辣,衣著清涼嘅女Model擔任賽車女郎。不過隨住女權主義日漸抬頭,近日籌辦F1賽車嘅自由媒體公司就宣布取消呢樣傳統,相關工作就由小朋友取代。「舉牌賽車女郎」似乎有好多同而家社會提倡嘅價值有相違背嘅爭議。

(圖片來源:網路,下同)

「舉牌賽車女郎」通常著住車隊贊助商嘅衫,接受媒體攝影同埋協助頒獎,具有畫龍點睛嘅效果。之前有車迷係網上發起投票,當中有超過6成嘅觀眾覺得應該要保留呢樣傳統。另外,模特兒經紀公司對於廢除賽車女郎都持反對態度,因為佢地話由小朋友取代會令佢地失業。

根據了解,F1商業部門主管希恩布拉特契斯就話,「雖然呢幾十年黎,賽車女郎已經係F1大獎賽嘅招牌,但呢樣傳統已經唔符合我地希望建立嘅品牌形象,同現代社會提倡嘅價值有衝突。」

布拉特契斯就覺得,對於果啲小朋友黎講,呢樣一定係佢地畢生難忘嘅經歷,因為可以令佢地有機會近距離接觸佢地心目中嘅英雄人物,而且佢地屋企人都可以享有係週末自由進出F1賽車場嘅特權。

女權運動團體就大力支持取消舉牌賽車女郎制度,哈斯車隊賽車手葛洛尚、印度籍前F1賽車手錢德霍克都係Twitter度支持呢個決定。

英國職業飛鏢聯盟都跟隨F1賽車嘅步伐,廢除陪賽女郎嘅制度。F1同時將來都有可能影響到有女Model嘅拳擊比賽。