有時去洗手間無帶紙巾,洗完手就去烘手機度吹一吹乾啲水,成隻手望落乾淨曬。但實情又係唔係咁呢?以下嘅報導真係睇完都怕你起雞皮。

呢張相係美國加州公衛系學生Nichole Ward嘅親身實驗,佢拎咗一塊無菌嘅培養皿去公廁烘手機下面吹咗3分鐘,幾日之後呢塊密封好嘅培養皿入面,就非常驚人咁長咗數舊肉眼睇到嘅菌株叢。Nichole就希望借呢個實驗結果同大家講唔好再用烘手機,因為入面吹出黎嘅風夾住幾種可能致病嘅黴菌、細菌。唔好以為吹乾之後行出廁所,隻手就好似你諗咁乾淨。」

呢張圖係facebook上有超過56萬次分享,同時Nichole都得罪咗好多整烘手機嘅家電廠商。但係佢依然持續出文同大家講烘手機有幾污糟。「除咗雙面風刀式嘅烘手機,老式烘手機(姐係上面有粒銀色掣,要禁咗先有風出果隻)就更加污糟!你會係粒掣上面會掂到更多細菌,啲細菌會跟住烘手機吹出黎嘅風會沾滿全身皮膚同衣物。洗完手之後fing乾就最好,用紙巾抹都尚算安全。」
烘手機。(圖/記者黃琬茹攝)
睇到呢度就有人想問,烘手機係咪真係咁污糟?有無科學根據?答案係有架!一篇係2014年刊登係《醫院傳染期刊(the Journal of Hospital Infection)》嘅論文指出,強風式烘手機會令周圍空氣入面嘅細菌即時暴增27倍;暖風式烘手機都好西利,一吹果時細菌會暴增6倍。研究團隊仲發現,用完烘手機5分鐘之後,烘手機周圍可採集到48%嘅細菌,而且果啲細菌仲可以係用完烘手機嘅15分鐘之後仲可以偵測到。睇完呢篇報導嘅你,仲敢唔敢用?定還是索性唔洗手就算?