大埔公路導致18人死亡嘅嚴重車禍,肇事巴士司機被網民起底,指佢唔係第一次揸快車,3年前都因高速掟彎撞欄,好在當時車上只有3個人,而3人亦無大礙,不過佢似乎無受到教訓,今次終釀成大禍!

個巴士司機花名「口罩明」,自稱「巴士迷」,即係好多人口中所謂嘅「巴膠」,活躍於多個網上巴士迷群組。

「口罩明」曾在fb上留言:「介紹下自己背景先,年近三十,冇樣,冇身材,冇車,冇樓,有信用卡,冇學歷,月入唔過兩萬,少講野,睇場合怕醜,睇場合內向,消費模式極度慳皮,唔應洗既唔洗,應該要洗既都可以唔洗,放假冇野做可以係反正都有野做,不如去開工搵多日錢……」

「口罩明」真係好鍾意揸巴士,仲花錢買入一部舊式「熱狗」,改埋名做「MING CHAN」,成日Post相上網曬。

不過巴士迷爆料,「口罩明」駕駛態度相當有問題:「佢遲早出事,今次終於搞單大鑊嘢!」原來早喺2014年8月,當時27歲嘅「口罩明」揸住一部46X九巴,駛到葵芳港鐵站時,疑轉彎車速太快失控,掃爛路邊5米鐵欄及一條石柱先停低,車頭嚴重損毀。好彩當時車上只有3個乘客。不過其中一個伯伯乘客有走去鬧「口罩明」:「我腳痛都落去鬧個巴士佬,離晒譜!」

九巴872路線巴士發生嚴重車禍,導致最少18人死40多人傷。