香港GAME店你有無邊間去開?有無邊間去到有感情?我諗就好少啦….香港人大概只會記得邊間係黑店邊間專賣炒價….
而日本東京都江戶川區、開業35年嘅「Games MAYA(ゲームズマーヤ)」比當地人既回憶同感情,係結業一刻話比你知幾深厚!

因為秋谷店長年紀漸大,於醫生都勸佢退休既情況下決定早兩日(8日)正式退休,有消息指店長點都堅持要等埋《Monster Hunter: World》推出後先退休,因為想見證呢隻遊戲發售一刻 (設計對白:店長終於等到MH番Playstation啦!!)。但結業日竟然有媒體直播!? 而出席既嘉賓陣容可以話係神級,無咩活動可以咁齊人,嘉賓包括《Monster Hunter》製作人辻本良三、《人中之龍》製作人名越稔洋、Level 5日野晃博、索尼互動娛樂日本亞洲(SIEJA)總裁盛田厚等人,仲有小野義徳、橋本真司、松山洋等人祝賀光榮結業,就連小島秀夫都有送花籃同寄語俾店長!