相信有留意香港音樂既人,都應該會發現有一個人明明只係Busking 都會比人圍到好似明星出巡咁,佢就係Judas Law,明明只係近幾個月既事,但Page 已經爆到上11萬Like,差 D 以為係買LIKE,點知用網Check 真係香港Like 黎!近日有網民報料話Judas 身邊多左個大叔一齊,點睇都唔似情侶,唔通係老豆都出埋黎玩音樂?

我之前說過會和一位重量級音樂人Busking 和 合作
聽日大約17:00 係中環摩天輪碼頭見大家👏🏻👏🏻👏🏻
到時大家睇Busking便會知道是誰😊

Judas Law 發佈於 2018年4月30日

預告下係邊Busking 都1500個Like 真係痴線架,下面仲成棚人問唱到幾點,放工會趕過黎,仲要超過7成都係女仔,現場都唔知會唔會成班OL 係度chill 。

言歸正傳,Judas 唱功真係唔曳,最重要係唔似現今d所謂歌手咁唱到扯哂蝦,呼吸聲仲震撼過bass。而5月1日既Busking 度多左個大叔係度伴奏和唱,又草帽又黑超好似唔想人認得出咁,都唔知係黎踩場搶客定係老豆落黎撐個女?仲要帶埋大大台電子琴,除左旺角大媽團之外真係好少見拎咁大堆頭出黎。

不過唔少人聽左陣已經要番去開工或者收工黎到聽得尾個少少,最近睇番 Judas Facebook 見人留言先知原來係個叫 Jim Lau既男人,再望下Fans 寫 “Jim Lau Sir will be a good teacher to Her as he was a very Excellent Song Writer音樂人…Good Luck Judas !”,佢係柳重言!??!?拍完「中國好歌曲」落番黎香港啦?

可能你唔知邊個係柳重言,但你一定聽過佢創作既歌…陳奕迅 《七百年後》以及王菲《紅豆》…

但柳重言自09年之後好似已經無再創作音樂,得罪講句同 Judas 應該都隔左成兩三代音樂人,係咪本身已經識或者親戚關係落黎撐下場,玩番下音樂?

好彩 Youtube 總有人拍低放上去,估唔到個個黎聽女聲,多左個啊叔搞搞震都無人嘈,仲叫encore,Judas就話 Jim Lau 柳重言今次 Jam歌只係前奏,睇黎係比Jim 睇中左做佢名師幫佢出道,街頭藝人被作開天王天后級歌曲既音樂人力捧究竟係咩玩法?係咪頂唔順依家樂壇班氣喘系歌手?