寵物小精靈係香港人童年眼中停留最多嘅深刻印象相信最多就係金銀版年代(包括小編),成班朋友仔討論到底邊六隻精靈出戰最勁最好打。又會因為搵唔到人聯機所以進化唔到怪力,富迪,耿鬼等等。隨住日子過去,寵物小精靈版本越出越新,而且有更多唔同嘅精靈係入面。但係始終比唔返第一二代嘅親切感。近年最印象深刻嘅相信係譯名問題(波可夢?小精靈)同pokemon go 。目前播到第七代嘅寵物小精靈入面有唔少第一二代嘅精靈出現唔同嘅型態,但是個樣睇落真係非常唔順眼。

圖:原始雷超vs阿羅拉形態雷超

新版雷超個樣成隻泡泡龍咁樣,唔睇個樣你根本都唔知佢係雷系小精靈。喂你估拍政府宣傳片咩。不過點誇張都唔夠下面呢一對咁誇張:

椰樹獸無啦啦條頸長咗十幾個size,唔知雷系屬性攻擊對佢會唔會有加成呢?成支避雷針咁樣。

新版爛泥獸就更加離譜,身上面生住一粒粒頭皮咁嘅不知名物體仲搞到五顏六色,到底用意係啲咩?

小編:對於呢一堆新版嘅小精靈,小編都只能用電影《食神》嘅對白黎回應:「真係受咗輻射咁喎,睇見就想嘔喇」

圖片來源:電影《食神》