菲律賓有位網友去知名快餐店Jollibee用餐時,見到隔離嗰枱一家三口、爸爸非常瘦弱、但兩個小朋友就睇落生活得唔錯,好開心咁食緊炸雞。成個過程,爸爸淨係買咗兩個餐、一樣嘢都冇食過,仲好溫柔同愛女講:「爸爸唔肚餓,你哋食就得喇」。

當見到兩個女食哂份餐點時,爸爸都好滿足咁露出笑容⋯

個網友見到呢一幕之後深受感動,去咗了解嗰位爸爸嘅背景。原來呢位爸爸叫做Ryan Arebuabo,38歲。曾經中風、半身癱瘓。因此失業後、佢前妻堅持帶埋兩個女走,只淨返佢一個人住喺貧民區到⋯

但Ryan冇因爲咁自暴自棄。身體好返啲之後佢就即刻去打散工、存錢、整頓返間屋、仲買咗部二手嘅電視。佢努力嘅原動力就係想見返兩個女同個老婆返返嚟⋯ 可惜,佢老婆並冇回頭。好彩,最後離婚後,Ryan不斷爭取,終於拎到兩個女嘅監護權。可以同兩個女一齊生活,已經係佢人生最快樂最幸福嘅事 

食炸雞嗰日原來係個女嘅畢業典禮,但因為唔夠錢,所以Ryan只可以買兩個餐睇住兩個女食。事後,當關於Ryan嘅事喺網上傳開後,Jollibee嘅店長唔單止邀請佢哋再度來店用餐,仲暗中搞咗個生日PARTY比佢兩個女、帶佢哋去超市買日用品等等⋯

宜家成日聽到虐待小朋友嘅事件時真係會好痛心⋯ 生個小朋友出嚟唔係應該想見到佢哋健康快樂成長嘅咩?呢位父親固然好偉大,寧願淨係慳自己都唔會虧待兩個女。不過嗰位熱心網友同店長都非常值得我哋欣賞!希望香港人都會多點關心社區入面有需要嘅人⋯