1998年出生,今年20歲嘅官脇咲良眼大大,同結衣BB仲有幾分相似。一直擔任HKT48嘅CENTRE嘅佢,本來一直被睇好會接同隊嘅指原莉乃棒坐上第一位。就算唔係,都應該只會輸比前輩松井珠理奈屈居第二。點知,佢今晚仲輸多咗比一個人,嗰個人就係⋯

SKE48嘅須田亞香里。愛稱AKARIN嘅須田亞香里,1991年出生,成日比人話佢面大、樣衰、甚至似嬸嬸,但佢竟然打敗咗年輕貌美嘅官脇咲良。

雖然AKARIN個樣比起SAKURA真係唔算太標青,但佢嘅笑容一出到嚟就融化好多人。佢仲係SKE入面出名嘅握手會神對應王。聽講只要同佢握過一次手就會不自覺地鐘意上佢⋯ 搞到筆者都好想去會一會佢。