係重要時刻影相唔同用手機自拍,唔少人係呢啲時候都會選擇搵攝影師幫手例如係全家幅、結婚相、畢業相等等。不過有時請人幫手未必一定好,仲可能會鬧出唔少笑話。外國有一位網友帕姆(Pam Dave Zaring)就請出一位自稱專業嘅影攝影師操刀幫手影全家幅,結果交出黎嘅製成品就非常嚇人,因為相片之中所有人塊面都影到非常蒼白,加上後製效果,仲整到個個都好似紙紮公仔咁款添呀!
 
呢位網友就係13號post咗幾張相上去就話絕對唔係講笑,佢地洗錢差請咗一位攝影師,而且對方亦都自稱非常專業,幫佢地影全家幅一張要成差唔多250美金(約港幣1955元)架!只不過當對方寄咗啲製成品過黎,就真係非常嚇人。
攝影師後黎就解釋,只因為當時天氣太好、陽光太猛、所以人面上嘅陰影太明顯。而且佢老師無教過點樣P圖,所以就搞成咁喇!各位朋友,呢個理由,你地又接唔接受呢?呢幾張相至今已經有超過28萬分享,睇黎呢位攝影師今次真係係行內「一夜成名」喇!
圖片來源:Pam Dave Zaring facebook