拜金嘅話題久唔久都會出現一次。最近就有個女仔上網開PO話一直都知男朋友窮,但佢一直靠自己工作賺錢所以好尊敬佢。 但當知道咗原來佢男朋友係住深水埗嗰啲好窄好亂嘅劏房時佢就即刻覺得好混亂,冇將來,唔知應唔應該繼續一齊咁。

 

大家又點睇?

 

 

作為喺香港土生土長嘅女性,其實筆者好難想像點解呢個年代女性仲會覺得自己嘅生活品質係同身邊個男人掛鈎⋯ 宜家又再唔係嗰啲得男人先可以工作嘅年代,如果真係鐘意嗰個人,兩個人一齊搵錢,甚至自己搵得比個男人多又有咩所謂?

仲有一點就係⋯ 其實宜家啲劏房租金都好貴⋯ 唔係個男人冇用,而係香港樓價太痴線而已⋯