當農夫講到與子華傾了6粒鐘,子華即搞笑指二人「講大話」,實情是5小時。

當農夫講到與子華傾了6粒鐘,子華即搞笑指二人「講大話」,實情是5小時。

被封「子華神」的黃子華今年7月宣布「金盆o浪口」後,前晚現身《農夫十八歲生日快樂演唱會》捧場,農夫雖被子華大嗌「垃圾」,但依然視他為偶像,特別打造20分鐘棟篤笑致敬。

開騷前,農夫一如之前玩迎賓,當子華上台時,全場觀眾狂叫,C君問子華:「今晚打算復出?」全場再瘋狂尖叫,子華即指同行好友羅金榮剛出歌:「有宣傳好做,佢哋(農夫)唔會畀免費騷你睇!」C君請子華留步合照,子華繼續笑說:「旺角最蠱惑嘅兩個喺呢度,不如叫晒啲人上台啦,得我哋幾個咁冷清。」窒到農夫冇聲出,全場爆笑。

中段時,農夫講到要多謝鄭裕玲(嘟嘟),又自嘲被她叫「垃圾」,之後多謝子華時,台下的子華反應極快,企起身向二人大叫「垃圾」,引爆全場笑聲。他們爆上次子華棟篤笑,被對方捉住傾了6粒鐘,子華即對鏡頭指二人「講大話」。他們又將原定完騷前的「送客」環節,變成20分鐘的「棟篤笑」向子華致敬。

C君預告明年結婚

農夫提到實際上與子華詳談5小時的話題,指其中3小時是談論嗌交時不講粗口,又笑指台下來捧場的黃翠如每次聽到粗口都會打冷震,二人笑言:「其實都幾環保,當天口熱熱哋,咁蕭公子(蕭正楠)不停喺佢耳邊叫你X母、你X味,仲可能會太凍添!」翠如即否認有這個怪習慣。席間C君又自爆準備明年擺酒,陸永抵死地說:「好欣賞你,你喺棟篤笑宣布結婚!」C君答:「打算啫!」陸永即說:「你到時如果又……咪當講笑囉,幾好喎!」最後螢幕播出子華多年來的棟篤笑作品,農夫說:「做呢個騷唔係因為之後會做棟篤笑,係因為想同子華神致敬。」陸永又感謝子華承認他們是同行,子華走到台邊給二人擁抱。

黃子華於「迎賓」環節被邀上台,全場觀眾尖叫聲拆天。

黃子華於「迎賓」環節被邀上台,全場觀眾尖叫聲拆天。
黃翠如都有捧農夫場。