1. 趕全港記者出紅館

有本事辣㷫全港傳媒,國際 G.E.M.(鄧紫棋)絕對是奇葩。打從靠湖南 衞視節目《我是歌手 2》在內地爆紅,經理人張丹便將 G.E.M.當正巨星,就算做宣傳,亦跟足國際級影星做法,只肯坐在台上接受文字與電子傳媒訪問,排場勁過劉德華。
過去一年, G.E.M.在內地狂吸金,就算五場紅館個唱,她亦只顧集中火力討好大陸粉絲,演唱會廿二首歌,當中廣東歌得六首。
G.E.M.香港開騷,但卻拒絕本地平面傳媒採訪,即使有個別電子傳媒獲許入場,也要在指定位置採訪,不可超越採訪區。
對港媒落晒閘,但對內地傳媒則另有態度,包機票酒店,豪華優待。因為怕港媒寫衰 G.E.M.的張丹,對如此大細超安排更振振有詞:「我哋關係係要大家做得好,唔係我哋要喺你哋(傳媒)面前乞嘢。」

2. 演唱會飛定價過高 貴過 Lady Gaga

G.E.M.連門票都要「國際級」到底,演唱會VIP門票高達1,880港元,不僅凌駕一眾天王級歌手,更超越 lady gaga。

「同傳媒關係搞到咁, G.E.M.都估唔到,亦唔知點算。好似唔俾觀眾帶熒光棒,要大家買條二百八十蚊嘅爛鬼熒光手帶、又唔俾香港記者採訪,全部都係張丹嘅意思,仲有之前接 job一定要有黑人保鑣、私人飛機接送呢啲, G.E.M.都係事後先知。其實佢同經理人成日都有拗撬,但次次都係 G.E.M.喊住收科,好似前年喺香港開騷,兩個直情喺後台吵大鑊,當時 G.E.M.好想走,甚至自己敲過其他公司門,但張丹有優先權續約,冇走得咁易。

3. 壓星級排舞師價

星級排舞師High King,2013年曾與G.E.M.的個唱合作,但有傳High King跟G.E.M.方面反目,自此永不合作!

High King接受訪問時坦言以「永不合作」來形容自己跟G.E.M.方面的關係,問到反目原因?他說:「因為有人變臉囉!(關錢銀事?)總之合作時明明講好我收5萬,之後有人叫我3萬蚊搞掂,所以我只係做完澳門同北京兩個站後,同佢講Bye Bye,之後我唔會再接。我慶幸自己走得夠快!」

4. 逼著皮褲



當年阿 GEM 造型師 Emma Wallace 就是經理人張丹女友(已結婚),多次時裝車禍亦不肯更換造型師,阿gem亦多次要求不穿皮褲,但 Emma Wallace 不肯就範,強逼她穿一條不合適的皮褲,令阿gem在後台爆喊。