小弟係一間津校嘅社工,係校內緊急應變小組嘅成員之一,礙於身份敏感關係,對唔住唔可以透露更多。
而跟住落黎我要講嘅野,關乎全港官中、津中嘅學生自由,請大家一定要信我。

今日校長召開會議,內容係關於教育局嘅指引。睇住校長手上攞住果三頁紙,我心諗,點解要搞我地啲小朋友。

教育局最近向全港所有官立中學髮指引,下令學生不準參與政治活動,以我理解大概有5點。

教育局指引(大概內容):
1. 不可在校內表達政治訴求
2. 不可在校內進行政治活動,如叫口號、唱歌、罷課
3. 不可派發政府單張
4. 學生不可參與校內政治活動(特別係著校服果陣)
5. 學生不可參與非法活動

以上5點,只要犯任何一項,校方、教育局都會追究、處分。亦即係話,中學生唔會再有校內抗爭,我甚至覺得校外著校服參與任何遊行示威都會比教育局抽後算帳,真係痴曬線。

本來以為淨係官中先比政府搞,點知原來教育局已經去信全港各津貼中學嘅校董會,要求各津校執行教育局指引。要知道,津貼中學雖然唔係好似官中咁直接聽政府order,但校內嘅好多設置都要靠政府批錢,即係話學校嘅春袋根本喺政府手上,即係就算津校都唔多唔少要聽佢地話。仲有喎,全港咁多間津校校董會,你估黃絲佔多定藍屍佔多數?即係話,黎緊全港大多數津校都會執行呢個不平等指引,中學生將唔會再有自由做政治抗爭,中學生人鏈、集會都可能不復再見。而事實上,已經有部份津校校董會過咗呢個指引。甚至乎,近日教育局同警慌就已經就住荃灣廖寶珊中學嘅事打過比校方,而向來比校內同學相對大自由度嘅校方亦隨即轉口風,話唔準同學再喺校內外做任何政治活動,如果唔係會追究處分。呢點就正正證明無恥嘅教育局已經開始要搞我地嘅小朋友。

津校校董會有3個選擇。一,唔理教育局,但呢個可能性細啲。二,執行指引,但同時做一啲修訂,唔會全部執行。三,照單全收,校內唔會再有政治聲音、抗爭,校內將會人心惶惶。

我做果間學校嘅校董會就黎開會,我都唔知我啲小朋友會點,我好驚佢地知道之後會出咩事。
因為,執行呢個指引嘅話,全港幾百個中學關注組會全部收皮,中學嘅連儂牆會比人清曬,大量中學生會比人抽後算帳,中學校園唔會再有任何政治出現。

呢場運動我地呢班小朋友出咗好多力,好多小朋友比狗咬。你地忍唔忍心見到佢地比教育局蝦到上心口?忍心見到佢地連發聲嘅機會都冇?

求嚇手足,搞個和理非遊行,為我地呢班小朋友主持公道!!!