一般人簡寵物,都係離唔開貓狗,中意養細隻啲既就係倉鼠。講起養鍬形蟲,就算唔敬而遠之可能都唔會諗起佢。的確係嘅,比起貓狗,鍬形蟲的確表情無佢地咁豐富(甚至係無表情)。但係,當你同佢熟絡咗之後,可能你會發現原來佢都係好可愛架!有一位網友spikethebeetle佢經常係Twitter度分享佢隻鍬形蟲嘅生活點滴。呢位住係日本嘅網友就放咗一張相內容係影住佢隻鍬形蟲夾住啲意粉好似想幫手煮野食,引起網上熱話。

見到佢夾住啲高佢十幾倍嘅麪條真係會忍唔住幫佢打打氣,雖然佢非常努力,但係結果又點呢?

無錯就係全部跌曬好似倒瀉籮蟹咁。不過你有呢種精神已經好叻架喇!其實除咗煮野食之後,呢隻被命名為Spike嘅鍬形蟲仲非常多才多藝添架,下面就帶大家睇下:

佢識煮畫(註:顏料係可食用顏料)

更勁嘅係仲識得自己換床添!呢樣野係香港真係無咩小朋友識架!

食西瓜,點可以唔預埋我先?

玩咗成日,真係好攰,恰陣先。小編睇完之後都好想養返隻,不過養咩都好,都一定唔可以棄養呀!