日本有一位Model岡田紗佳患有嵴椎側彎,近日佢就參加咗一個叫做《名醫のTHE太鼓判》嘅健康節目,節目組為咗想搵到令佢腰痛嘅原因,所以就偷偷地係佢屋企裝咗部攝影機,點知就無意中拍到岡田係屋企不修邊幅嘅樣,睇到人眼都凸埋。

由於長期站姿唔正確,佢嘅脊骨已經開始呈S字型

根據攝製隊所拍,岡田係一位麻將發燒友,所以一日有唔少時間會駝住背咁打麻將。不過點都唔夠佢返到屋企之後咁誇張。

攝製隊係屋企嘅攝影機就拍到,岡田無論做啲咩例如食野同吹頭都會不自覺成隻腳棟起,如果係街度做呢啲野真係比狗仔隊影到傻呀!

不過棟起腳都唔夠呢張咁誇張,夜晚當佢打機嘅時候,佢係直頭兩腳大開腿張開,睇到人眼都凸埋,就算係節目上面佢睇到呢幕都覺得非常尷尬。雖然尷尬還尷尬,但總算睇到佢背脊唔舒服嘅成因,各位讀者都要注意一下日常生活習慣呀!