仲記得幾年前古天樂有一套電影叫做《保持通話》,其中有一幕古天樂想買叉電器但係店員掛住做自己野,心急到痴線嘅佢局住開槍嚇到個店員眼都凸埋。果種心急如焚嘅感覺而家有機會可以體驗到喇!係比利時有兩位開發者研究咗一款名為Die With Me嘅通訊App,呢款App最特別之處就係當用家手機電量得返5%果陣時先可以用,而且係用黎同陌生人傾計。

Die With Me呢款App,當你手機電量低過 5% 果陣,先可以用呢款 App,當你打開 App 之後會見到一個聊天室,佢會要求你輸入暱稱,之後就可以同所有得返 5% 電量嘅陌生人傾計。當你每講一句嘅時候,汁邊仲會顯示你仲有幾多%嘅電量,除咗自己之外,仲可以睇到其他人嘅電量。而家呢款App同時支援 Android 及 iOS 平台,但係如果想體驗係要比錢架,價錢分別為 HK$9.9 同 HK$8.0。

 

使用片段: