睇到呢一篇報導嘅時候小編不其然諗起兩套港產喜劇。第一套係幾乎人人都知嘅《少林足球》,諗起少林足球隊岩岩成軍嘅第一場波,其中對面嘅隊長係自我介紹果陣時跌咗枝士巴拿出黎,然後就同人講佢係一個汽車維修員。而另外一套就相信比較少人識,叫做《港督最後一個保鏢》,諗起嘅原因係因為劇情入面講因緣際會下,係英國做緊廚師嘅羅家英無啦啦比人搵咗去做一個月港督。而以下呢篇報導,的確同呢兩套戲有幾分似。

圖片來源:電影《少林足球》

係非洲,有一個男人佢叫做Céphas Bansah,特別之處唔係佢個名,而係他有呢兩個身份:第一個係德國嘅汽車修理員,而另一個就係非洲霍霍埃部落(霍霍埃為加納其中一個城市)嘅國王。

係40年前,佢仲住係加納嘅一個地區。 果陣時非洲嘅教育程度比較低,Céphas嘅阿爺就鼓勵佢去外國留學讀書,而係果個年代可以留學嘅多數都非富則貴,而佢阿爺就係加納霍霍埃地區嘅國王。

去到德國之後,Céphas努力讀書,最後成功修讀到兩張德國工匠證書。慢慢就係德國落地生根,娶咗個德國女人做妻子,仲生埋小朋友。係德國開咗一間車房。就做佢嘅汽車維修員。

平時落手落腳做野果時,真係睇唔出原來佢係國王黎架!

不過,係十幾年之後(1987年)佢收到一份傳真。 傳真嘅內容好短,但係非常重要,因為內容係同佢講佢爺爺已經過咗身,所以要佢接任做國王。

睇到呢度,可能大家會好疑惑:「點解唔搵佢老豆或者阿哥去做?論資排輩點都未論到佢啦。」原因就係因為,佢阿爸同阿哥原來都係左優仔,係佢地國家,左優仔係一種不祥嘅表現,所以因緣際會之下就由佢繼承王位

不過繼承王位嘅佢,並無放棄到自己嘅事業,反而仲將自己係德國嘅事業擴張,除咗同其他部落首領管理內政之外,同時都係佢車房汁邊開咗一間舖頭賣啤酒搵錢。所謂真人不露相,係你身邊行過一個唔見眼嘅人,隨時真實身份嚇你一大跳。你地又有無識類似嘅朋友?一個唔起眼人,後尾先發現原來佢係好有來頭。