Brautpaar sitzt auf einer Bank, Nahaufnahme, Detail,

閃婚就聽得多,閃離你又聽過未?嘩呢個世界真係無奇不有,結婚三日即刻離婚,點解?唔係因為想分身家,而係因為提款卡!係台灣屏東就有一對情侶,男就姓王而女姓孫。2個人係結婚之前王男就揸電單車載孫女而外生意外,令孫女受傷,當時王男就話會養佢一世,令到孫女不知幾感動。點知結咗婚3日,就因為比邊個hold存摺比邊個保管呢件事嘈到火紅火綠。事後王男直頭話孫女係張床直頭死魚咁!嬲到孫女即刻話離婚。

Brautpaar sitzt auf einer Bank, Nahaufnahme, Detail,

根據屏東地院判決書,王男同孫女訂婚之後、結婚前發生車禍,令到孫女肩部骨折入院,搞到手尾咁醫長,所以做唔到野;由於車禍發生果時,是由王男車孫女出去,所以王男也在病床前同孫女承諾會養佢一世。受咗傷嘅孫女就聽到感動落淚,就決定將一生託付比佢,應承嫁比佢,之後兩個人就步入教堂結婚。

咁浪漫,點知3日就玩完!孫女出庭果時就話,結婚之後她佢就搬咗去屏東果度,但係老公要係高雄度做野,一個禮拜先返一次屋企,所以屋企經濟都係交比佢管;且老公存摺、提款卡原本都比佢保管,但係老爺疑心病極重,怕佢會禁啲錢比外家,所以婚後第三日,老爺就要佢交曬存摺果啲財物出黎。

除咗因財失義之外,孫女仲指控話佢婚前婚後好似兩個人咁,結婚前就好細心,仲話會養自己一世,結婚之後就翻面,經常嘲笑佢,仲話佢係張床度好似死魚咁孫女曾經同老公反映話唔中意佢咁。但係老公聽完之後靜係笑,仲話你都嫁咗入黎,你仲可以點?孫女就比佢嘅說話搞到心理受創,仲諗過自殺,所以就要王男賠償50萬新台幣(約港幣13萬3千元。)

法官係考慮過兩邊嘅供詞,就認為婚姻破裂王男要負較大責任,所以就判王男賠比孫女新台幣35萬7200元正(約港幣9萬5千元。)所以結婚真係要好好考慮清楚,唔係就隨時結婚之後閃離。