多倫多大學一項研究最近於《人格與社會心理學期刊》上發表,指出我地好有可能可以通過觀察臉孔判斷某人富有定係貧窮。


多倫多大學研究生及該研究共同作者R. Thora Bjornsdottir表示,身心健康與社會階層之間既關係已被以前既研究所證實。對比大部份要辛苦賺錢養家既人,有錢人傾向於生活更快樂更少焦慮。研究團隊就證明身心健康既差異實際上反映於面上。

不同種族既本科生需要觀察80位白人男性及80位白人女性既灰色相片。相片中並未有顯示任何紋身,當中一半人係年收入超過15萬美金,即係所謂為上流人士,而另一半就係35,000美元以下既基層。

當參與者被要求猜測相片中人物類別時,68%答岩明顯高於隨機機會。


Bjornsdottir 表示,大家並未有真正意識到佢地做出以上判斷時所用既線索。「如果你問佢地點解,佢地都唔知係點解咁答。」

於是研究人員放大面部特徵並發現,當參與者只睇眼睛時,佢地依然能夠正確猜測,而口部就係更好既線索。但無一個單獨部分既可靠程度比得上成塊面黎睇。


Bjornsdottir指出,可能因為臉上某部份肌肉既慢性收縮導致臉部結構產生變化,佢地可能睇到但又未必意識到依一點。

當研究人員展示睇落高興既人既相片時,參與者只能靠運氣辨別出社會經濟地位更好既人。因此只有係面部表情保持中立時,先更易發現分別。

研究作者之一及心理學教授Nicholas O. Rule表示,隨時間過去,我既面部其實係反映出我地既經歷。

資料來源:CNBC