前NASA 工程師 Mark Rober 可能大家都有睇過佢既影片,包括超巨型NERF GUN,超級水槍等等..
而佢其中一條影片去研究 「點樣計算泳池中既尿液含量」 時得悉,原來加液體氯氣消毒泳池係唔會有任何味道散發!?

Mark Rober 做左項小實驗,將平時泳池消毒量比例4倍液體氯氣加入兩盤清水,其中一盤加入少量尿液,3日後發現無尿液既一盤完全無任何「泳池味道」,相反含有尿液既就相當濃烈….

原來我地一直誤會既氯氣味道係來自一種化合物 Trichloramine (三氯化氮),香港亦有研究指三氯化氮作為一種含氨的尿液與用作游泳池消毒的氯氣混合後的副產物之一,普遍存在於泳池水裡,刺激泳客而使他們眼紅及流鼻涕甚至哮喘!

所以當你聞到陣味有幾濃….就知泳池有幾多尿…
記得泳池游完水一定要沖乾淨先好走!