2000年播映的劇集《尋秦記》,簡直係一代人的回憶,由一眾主角古天樂、宣萱、林峯、郭羨妮,到首主題曲「天命最高~~」樣樣都係經典,亦都係古天樂心目中的最愛。
到古生做老闆開電影公司天下一,上年已講明買定版權會開拍個電影版,直至今年《影視博覽》又有進一步消息,宣布已落實開拍,將由原班人馬古天樂、林峯及宣萱擔任主角,並由新晉導演黎震龍執導。原班人馬喎,聽見就興奮,咁除咗主角,一眾配角又有冇份先?

宣萱轉投古仔公司旗下,是銳意開拓電影市場?未來有什麼工作等,雙方好有默契賣個關子。順勢再追問宣萱會不會參與古仔今年開拍的《尋秦記》電影版,古仔即刻有好消息宣布:「係!宣萱會有份拍,(係電視版延續,定翻拍之前故事?)呢個我唔知喎,我係一個演員,你要問番導演方面,佢哋先可以話到俾你知!」

主角項少龍當然還是古天樂演,而林峰繼續當秦始皇宣萱、江華等人已經收到邀請!
希望儘可能爭取原班人馬回歸!電影預計即將在內蒙古開拍!