牙醫呢樣野,自小其實每個人都好怕見到佢,小學嘅時期就怕係因為蛙牙,大個咗之後基於健康問題要定期洗牙又或者有人信風水師傅講要洗牙化解血光之災。不過以下呢位靚仔就岩岩相反,佢牙齒嘅情況係嚴重到幾乎醫生都驚返佢轉頭,事關佢由出世到而家都未刷過牙。

一直去到最近,佢先知道佢嘅問題有幾嚴重,結果佢報咗一個外國嘅節目《限制級診療室》搵牙醫求救(簡單介紹:呢個節目主要係去搵一啲令人難以開口嘅病症)。結果佢一開口,連牙醫都比佢嚇親(如下圖)

就算對牙科無咩認識,睇到呢個畫面都知道有幾嚴重,成排牙都係黑色嘅牙垢,而且牙根都已經開始比細菌侵蝕曬。誇張啲講,同異形有幾分相似添呀!

圖片來源:網上遊戲natural selection

呢排牙足足積咗21年嘅食物殘渣,呢牙醫都比佢嚇一嚇,不過醫生話佢算好彩,因為無嚴重牙周病。但係佢嘅結局就係要將成棚牙「砍掉重練」喇!不過換完牙之後佢就成個人唔同曬,就好似下圖咁。

Jay今次足足換咗成十一隻牙,不過刷牙呢啲野,都係勤力啲做啦!唔係女朋友錫你果時,你食幾多香口珠都唔掂呀!