根據英國《每日郵報》報導,美國奧克拉荷馬州一名18歲嘅年輕媽媽莎拉(Sarah Mckinley),為咗保護自己嘅小朋友,非常勇敢咁將闖入家中嘅歹徒一槍斃命!

圖:事主Sarah Mckinley及其兒子

 

莎拉嘅屋企相當偏僻,而且附近人流唔多,附近得好少商舖,好容易比不法之從有機可乘。而今次歹徒就係睇準呢一點,就假扮係鄰居同莎拉傾計,仲不斷要求要去佢屋企坐下。

 

而可怕嘅係,係莎拉認識歹徒之前,屋企養果兩隻狗就因為不明原因而死亡,所以不禁令人懷疑,其實歹徒已經處心積慮要犯案。

 

係事發之前,莎拉嘅丈夫係岩岩因為癌症而離開人世,所以就得佢同3個月大嘅仔相依為命。案發當日夜晚,莎拉岩岩氹完個仔訓覺,就突然聽到門口有異樣…….

 

莎拉行去門口一望,門口外面果個正正就係最近認識嘅「怪鄰居」,而且佢拎住一把30厘米長嘅獵刀,企圖破門而入,而且身邊仲有一位同伴。但當時莎拉表現得非常冷靜,佢第一時間將門鎖住,之後就拎出收埋係屋企嘅手槍同散彈槍,同時報警求助。

 

佢同接線生講,有個男人而家正正係佢屋企門口而且不懷好意,而且佢嘅丈夫岩岩過咗身,屋企得返佢同佢小朋友,所以想佢地即刻安排人佢地黎救佢。對方就同佢保持通話,而且同佢講唔好坐以待斃。

「你有絕對權力去做任何事保護自己,但係我唔能夠話比你聽點做,但係為咗保護你嘅小朋友,你就要採取必要嘅行動。」莎拉之後就透露歹徒係度不停咁敲門,接線生都未反應得切,就收咗線。

 

莎拉呢個時候就好似會意到接線生想同佢講啲咩,所以係對話結束之後,就拎起散槍彈,瞄準屋企門口,等到歹徒成功破門而入嘅時間,就果斷開槍將對方射殺,而另一位共犯就嚇到即刻逃走。

 

被殺嘅兇徒Justin Martin(下圖)。

 

 

而果位逃跑咗嘅同謀Dustin Stewar,係事發兩日之後,就主動去警署自首。他就表示,知道莎拉係寡婦,認為她一個女人帶住個仔,無能力反抗,所以就想向佢埋手,去佢屋企打劫。

 

而警方表示,莎拉係出於自衛先會開槍殺人,所以並唔犯法,因此莎拉並無受到任何起訴。事後莎拉接受訪問,當時所做嘅一切都係為咗保護自己個小朋友,令人深深明白到母愛嘅偉大。

 

資料及圖片來源:英國《每日郵報》,美國《ABC新聞》