係英國有一位16歲嘅女高中生Maisie Cousin-Strik因為自殺而離開咗呢個世界,一開始完全無人知道原因,因為係所有人眼中,佢係一位好好嘅女仔,成績好,而家脾氣溫和正常,所以一直都搵唔到理由解釋佢點解會咁做。直至到有一日,佢27歲嘅姐姐Amy整理佢遺物嘅時候就發現佢寫嘅一張紙條,就發現到Maisie一啲收埋係內心嘅感受。

係事發當日,Maisie表現都非常正常,而且仲帶咗屋企隻狗仔去散步,但係出咗去之後就再無返黎。屋企人以為佢去咗搵朋友玩,但到當日夜晚佢都仲未返屋企,所以屋企人就馬上聯絡佢嘅好友,但大家都話無見過,所以就即刻去報警。結果係第二日嘅凌晨5點左右,警方就搵到佢嘅遺體。

Maisie嘅死深深打擊咗佢地嘅屋企人,佢同屋企人感情非常好。雖然係學校朋友唔算多,但亦都無被孤立欺凌嘅情況出現。前排Maisie仲計劃好同屋企人去渡假,點都估唔到有呢一宗悲劇嘅發生。

係事件發生之後,佢嘅母親就諗起,前幾日Maisie同佢講佢同朋友之後出咗問題,起初以為係小事,但估唔到件事原來係嚴重。

而姐姐Amy就希望了解妹妹內心到底諗法係點,所以就去整理佢嘅遺物,結果發現咗一張紙條寫住「I’m fine」(如下圖),一切望落都非常正常,但一反轉睇嘅時候,就睇到令人驚訝嘅訊息…….

一反轉睇嘅時間,因為字體嘅關係,所以可以將佢睇成「Help me」(如下圖),其實Maisie已經一早將佢內心嘅失落表達咗出黎,只不過當大家洞悉到嘅時候,佢已經離開咗大家……

Maisie家人就認為,「Help me」先係佢真正想表達嘅心聲。表面上一切安好,但其實佢嘅內心非常痛苦。Maisie嘅媽媽就將紙條上嘅訊息製成徽章,一共750個,在葬禮上分發比親友,希望佢地多啲關心自己嘅小朋友。同時佢地仲係facebook度開設「I’m fine, help me」嘅page,希望有更多人關心身邊嘅小朋友。

小編:一個人步上自殺呢條路,往往旁人表面係睇唔出,無人能夠係果刻完全明白當事人內心嘅想法。近年係香港都有非常多學生自殺,每次睇到呢類型新聞都覺得非常痛心,唯有好好關心身邊嘅人同事,了解同認同佢地所面對嘅困境。係近年呢個咁傷感嘅香港,互勉之。