蓋世寶,係兩代小朋友的集體回憶。喺TVB主持兒童節目近廿年,由95年藝員訓練班畢業,就加入兒童組主持《閃電傳真機》,做到《至Net小人類》,至14年兒童組解散,佢嘅年資僅次於譚玉瑛姐姐,2015年佢就攞咗大台嘅老人牌(服務二十年金牌)。

與佢同屆讀藝訓班嘅同學,有湯盈盈、姚瑩瑩、滕麗名及李天翔,生得一副童顏嘅佢,被安排入兒童組,一做近廿年。 當年與譚玉瑛,唐韋琪等一起主持兒童節目,現在只有玉瑛姐姐留在大

與湯盈盈、滕麗名及李思蓓等是95年藝訓班同學。

曾幾何時在大台的大型節目,與蕭正楠共舞。

近年譚玉瑛搵到出路,同鼎爺拍住上做飲食節目,蓋世寶調去戲劇組,除喺《折局專家》稍多戲份,其他只被安排演出二打六角色。去年喺《BB來了》飾演陪月班學生,撈咗廿三年,出場只有兩句對白。喺《大帥哥》亦只係一個行行企企嘅村民。

童顏嘅佢其實已39加1,四張中女不得不為將來認真作打算。夢想幻滅再幻滅,夢醒時份就決定選擇離場,同時嚟個中年增值,那怕骨頭硬,學跳Sexy Chair Dance。
主持兒童節目入晒屋,但拍劇的她,發展一直不順暢。

前年唐韋琪開演唱會,請來兒童組共事的蓋世寶做表演嘉賓,來個集體回憶。

去年在《BB來了》出場得兩句對白,發展倒退。
四張嘢,學跳性感舞。