有時坐車有人會帶暈浪丸,因為怕坐長途車會暈車浪。但如果靜係坐十分鐘,而且架車係唔開嘅,又會唔會變得好易?外國就有一條Youtube channel 就設下一個挑戰,如果可以坐係一架比陽光曬住嘅車十分鐘,就可以拎走100蚊美金。嘩,十分鐘就咁多錢,而且郁都唔洗郁,梗係個個都去啦。所以就有大量挑戰者參加,但結果令人出乎意料,因為咁多個參加者,竟然一個成功嘅都無……

 

一開始岩岩入到去,個個都係笑容滿面….真係心諗:「嘩正!最好坐夠一粒鐘,拎夠600美金。」,下圖右邊果位朋友睇佢個樣直頭胸有成竹咁樣,「太易玩了」四隻字寫曬係塊面度。

點知過咗幾分鐘…..

成班已經開始叫曬救命,有人仲誇張到表示覺得入到車廂覺得空氣好似消失咗咁,仲有人已經開始瀕臨崩潰邊緣。有人一落車就即刻要補充水份。

其實呢樣挑戰背後嘅目的主要係想表達,希望成年人唔好將小朋友賴低係車廂度自己就去做其他野,因為大人連十分鐘都頂唔順,小朋友邊頂得順呀。