成龍由出道到而家生平拍過大大小小幾十部動作電影,更加成功進軍荷里活。雖然近年普遍人記得佢係因為佢種種出位嘅言論。但當睇佢係動作電影各種高難度動作,醉拳蛇形拳樣樣都玩到有文有路,你又會唔會心底不禁問一句:「到底佢實戰打唔打得嘅呢?」

之前佢就上咗內地一個名為《曉松說》嘅節目,接受主持人嘅訪問,當中有講到佢到一啲黑社會鬥爭嘅經歷。

跟住主持就再追問,問佢由七小福時期開始練嘅功夫,係唔係真係打得?結果佢話如果真係打,兩三個人都埋唔到佢身。佢仲話,你地應該睇過佢後生時候嘅身材,佢話當年佢係擂台上面七個人輪流上黎同佢打,佢打低曬七個人仲可以跳繩。

佢話:「當時成個武行嘅人都話我係飲牛血,因為我好似牛咁大力。同埋我果段時間每一日都練功,朝早同梁小龍練,中午同洪金寶、元彪、元華練,夜晚又同梁小龍練拳擊之後再去做gym。」

雖然近年成龍有唔少緋聞傳身,而且仲經常失言,但如果除開呢啲因素,讀者們,你地又覺得佢打唔打得?