84年加入無綫嘅阮兆祥,雖然曾在97年離巢,但回歸後所參與嘅《溏心風暴》、《皆大歡喜》、《巨輪》都大受歡迎,而《獎門人》系列更成功建立其笑匠形象,亦為他帶來了「2009年萬千星輝頒獎典禮」最佳節目主持。

 阮兆祥嘅搞笑形象深入民心。

之不過,自去年嘅《平安谷之詭谷傳說》之後,阮兆祥喺無綫一直未有新作,而當時佢接受訪問時,亦曾表示過:「大家好好珍惜『祥在你左右』嘅時光,因為《平安谷》後已經無存貨喺無綫。」有網民近日發現,阮兆祥喺大台網站已消失不見,一般會出現咁嘅情況,就只有完約藝人。

 去年大台播《平安谷之詭谷傳說》時,黃金時間嘅《溏心風暴3》同埋深夜重播嘅《皆大歡喜》都有阮兆祥,再加上周末播出嘅《荃加福祿壽》又係有阮兆祥,一時間「祥在你左右」。

雖然幕前曝光減少,但阮兆祥除有電台節目主持之外,與夏雨、米雪等人嘅舞台劇《秘密》亦已進行巡演,加上內地巳綜藝節目,收入絕對不是問題,而他去年為舞台劇接受訪問時,亦曾表示工作方面一定要揀自己有興趣的,並一定要做得最好,更笑言:「我話你聽,我爭一億就夠十億,我都唔知做嚟仲乜。」對於離巢一事,阮兆祥接受訪問時就承認公司曾提出續約,但為了迎接新挑戰而婉拒了:「畢業喺呢個地方30年,所以我決定暫時離開,但不代表不回去,無論係合作定工作環境,我都覺得好開心,好多謝TVB咁多年嚟俾咗咁多機會祥仔,今時今日嘅我,都係TVB成就。」阮兆祥表示接下來將有不同的工作,更預告下半年會十分「活躍」。

阮兆祥已在大台網頁被下架。

阮兆祥已在大台網頁被下架。