無綫電視劇《她她她的少女時代》中,「少女版田蕊妮」區明妙(Stephanie)現剛中學畢業,喜歡演戲和跳舞,平日愛打扮,行街影相,是典型的可愛少女。問到演戲和跳舞哪樣較喜歡,「如果兩者比較,我鍾意演戲多啲!

 

Stephanie一雙明亮鳳眼、青澀笑臉、一頭微捲長髮,在訪問中,言談間帶點不經修飾的活潑,如果說她是「港版周子瑜」亦合理,但Stephanie堅稱想做自己,「其實呢,我唔係咁鍾意『港版周子瑜』呢個名,都係其他人俾嘅稱呼,我自己都唔覺得特別似,若果想觀眾記得我,我想佢哋記得我呢個人,而唔係話我似邊個,如果大家記得我係『少女版田蕊妮』,起碼大家係記得我做過呢套劇,呢個角色!」

 

其實區明妙大有來頭,現年只有18歲嘅佢近年拍攝多部無綫劇集,分別做過滕麗名同陳瀅嘅少女版,2017年於劇集《親親我好媽》客串短短一場,更因為外表出眾而被封為「港版周子瑜」。此外,佢本身係家燕媽媽藝術中心學員,亦係旗下女子組合Honey Bees嘅成員之一,就連童星出身、韓團CLC香港成員莊錠欣亦曾經係組合前期嘅成員。而區明妙私底下嘅打扮亦充滿「韓味」,佢不時喺社交網上載韓系街拍照大騷長腿,未知係咪想學師姐莊錠欣,向韓星之路進發呢?