成日都唱:「世上只有媽媽好 有媽的孩子像個寶。」媽媽錫仔女嘅形象就一直都深入民心。但係關於爸爸嘅形象就似乎唔同喇,因為爸爸比人嘅形象就多數係粗手粗腳唔識湊細路,仲要成日整蠱同整喊啲小朋友。以下呢條影片唔知又會唔會強化咗你對爸爸嘅形象?

話說係美國北卡羅萊州就有一位爸爸想整蠱下佢個寶貝女,不惜扮比經典恐怖片Child’s Play入面嘅恐怖公仔殺死。佢首先就準備假血漿搽落自己個頭度,跟住一隻手捉住隻公仔,另一隻手就拍道牆引阿女出黎睇發生咩事。而自己就預先準備好攝影機拍低整個過程。阿女一行出黎嘅時候,比佢嚇到成個人彈起,之後仲入屋大叫搵阿媽幫手。事成之後老豆對住鏡頭奸笑,喂!萬一阿女好中意睇鬼片睇到入曬腦嘅話,真係分分鐘比你嚇死都有之呀!不過算啦,老豆花咁多心機無非都係想引下大家一笑幫屋企留低開心回憶姐,其實老豆都係非常錫自己仔女嘅。

完整片段: