講起今日今時荷里活嘅動作片巨星,多數人都會諗起The Rock、Vin Diesel、Jason Statham等人。至於阿諾舒華辛力加呢位曾經嘅動作片巨星,就比較上屬於上一代影迷嘅固憶喇。係最近佢就係社交網絡度貼咗一張相,而呢張相就影住佢訓咗係自己銅像下面,而且佢個樣望落十分之潦倒。一見到呢張相有好多人都嚇一嚇,一代巨星竟然晚年竟然搞成咁?唔係,其實佢影呢張相係源於同附近酒店嘅一段小插曲。

據聞當佢仲係加利福尼亞州長嘅時候,就曾經去過一間以佢銅像命名嘅酒店出席剪綵,當時酒店嘅工作人員同佢講就算阿諾幾時黎都會留間房比佢。點知當佢係2013年卸任之後再次返到呢間酒店,經理就再無留房比佢,而且仲要佢自己比錢先有房住。所以係有一番感悟之下,佢就拎住睡袋去咗銅像下面影咗相,表達佢嘅感悟:「當我處於重要位置時,他們總是在稱讚我。當我失去這些位置時,他們便忘了我,也不再守諾言。不要相信你所擁有的地位或金錢,也不要相信你的力量,也不要相信你的智慧,這些都不會長久。」連堂堂一代巨星都會受到呢啲冷待,更何況係一般人?所以都係要好好珍惜陪住你渡過困境嘅人,因為呢班係真心對你好嘅人。