首先大家睇睇以下既圖片
我用紅色圈圈咗奇怪既地方


由上至下睇
第一:髮線分界問題
最明顯一定係個分界
髮型既分界好睇頭頂個 鑽
基本上鑽前面既果條線 就係分界分得最自然果條

如果要改變分界既位置 得兩個方法
1:電髮
2:吹頭果陣用鹽水刻意分
基本上睇翻陳同學既舊相
佢全部既髮型都係斜陰
我相信佢唔會無端端去吹一條唔係自己分開既界

而電髮 亦都係唔可能的
佢之前既髮色既 灰灰地金金地
簡單嚟講佢個頭係經過漂髮的
而漂過既頭髮係唔可以電的 (因為頭髮會爛會斷)
所以電髮既可能性都應該唔存在

第二:眉型問題
我地睇翻陳同學既相
可以得知佢有一條平眉
而係唔係八字眉好睇佢平時既表情
可能由細到大佢都會有少少戚眉
所以我地都睇到佢有少少八字眉
呢個係習慣問題 冇得一時半刻改
再者我地留意下佢化妝既相
佢從來冇一張相係會將自己頭眉化成彎眉
而CCTV入面果位女仔
好明顯條眉型係好彎
同陳同學一向既作風唔同
所以我有合理懷疑CCTV入面既唔係陳同學

第三:眼角
呢樣嘢我唔100%肯定
因為CCTV入面張相好矇
但係我地都可以隱約見到CCTV入面個女仔
眼角微微向上
我地睇翻陳同學既自拍
可以見到陳同學既眼角係岩岩相反
微微向下
所以都係一個令我懷疑既因素

第四:鼻同埋下巴
有影過相既都知
凸出嚟既位會比較放光
陳同學既鼻都既高
所以我地睇到佢個鼻有反光既位置
而CCTV入面既女仔就岩岩相反
完全唔高 冇反光位

而下巴兩張相都好有分別
CCTV入面個女仔下巴兜兜
所以會見到有反光位
而陳同學既下巴並唔係好凸 而係尖尖地
所以我地都會見到有分別

呢個亦都係令我懷疑既一點

第五:法令紋
我地可以見到CCTV入面既女仔有一條好深既法令紋
我地睇翻相可以見到佢既法令紋並唔明顯
而知所以我會打埋呢一點出嚟
係因為我頭先見到以下呢張圖
雖然唔知係邊到 但係好明顯見到佢右邊既法令紋比較深

所以我合理懷疑CCTV入面既女仔並唔係陳同學

如果有任何冒犯到陳同學既事
我先同佢講聲對唔住
但係我地一定會幫你搵到真相
等你可以沉冤得雪

以上係小弟既小小意見同懷疑
希望可以幫到大家!