我已經跟住HKDI公開咗嗰16條CCTV去行一次陳彥霖喺學校行嘅路
喺入面我發現咗最少10組CCTV應該影到佢但學校又冇公開到
陳彥霖一開始係喺LW座一樓入𨋢(時間1750)
之後喺五樓出𨋢(時間1751)
22分鐘之後陳彥霖出現喺B座嘅2樓(時間1813)

呢22分鐘佢去咗邊?LW5樓𨋢口嘅CCTV會影到但冇公開

而佢係點行去B座2樓?最快嘅方法一係搭𨋢落LW2樓行平台天橋,一係行樓梯落LW2樓行平台天橋。LW2樓同5樓𨋢口同B座2樓向天橋嘅CCTV會影到但冇公開

然後鏡頭影到佢喺B座2樓行咗落1樓1分鐘左右(時間1814),B座1樓樓梯口嘅CCTV冇公開

之後鏡頭影到陳彥霖行返上2樓再繼續上樓梯,13分鐘後出現喺9樓平台(時間1827)

我自己實測過就算慢慢行由2樓上9樓只係5分鐘內嘅事,而且B座3樓到9樓樓梯口全部有cam,佢中間行咗去邊?3樓到9樓總共7組CCTV冇公開

跟住陳彥霖喺9樓平台出現並四圍行咗一陣(時間1827)

可疑嘅係佢入cam嘅位置懷疑係LW9樓通向平台嘅天橋,B座9樓樓梯口同C座9樓有CCTV會影到佢喺邊到去平台但又冇公開

然後鏡頭影到陳彥霖行咗上C座10樓(時間1830)

呢到我相信佢係入咗去一間要學生證或職員證先入到嘅廁所除鞋然後行返落嚟,可疑嘅地方係陳彥霖喺B座2樓出現嘅時候(時間1813)頸上面戴住相信係學生證嘅牌已經唔見咗,係袋咗喺褲袋定係已經冇喺身?冇喺身嘅話即係廁所已經有人等緊佢上去?呢啲猜測C座10樓樓梯口嘅CCTV可以搭到我,但學校冇公開

落返嚟之後陳彥霖行返去LW9樓,並向鏡頭方向行咗過去(時間1838)

嗰個方向只有兩個地方可以去到,一係LW10樓,呢到係一個大概5米乘5米嘅地方,邊到都去唔到,有CCTV影到佢有冇上嚟但冇公開。

再唔係就入咗間叫會議室嘅房,但呢間房「一定」要有「職員證」先開到。但之後有一個灰衫中年男人相信係行咗去同一個方向(時間1839),而過咗一陣又有一個藍衫中年女人喺同一個方向走出嚟(時間1842),而陳彥霖亦喺呢個藍衫中年女人入𨋢之後走出嚟(時間1843)

灰衫中年男人同藍衫中年女人可能係陳彥霖生前最後接觸而且有交談嘅人

之後陳彥霖行咗去LW7樓,可能係入咗去一個珠寶設計嘅教員室(時間1843)

3分鐘之後,陳彥霖去咗7樓Zone24嘅位置(時間1846)

其後佢喺zone24附近周圍行咗8分鐘左右,之後由7樓長電梯落去HKDI正門並離開HKDI(時間1854)