杜汶澤今日10點15分,與太太田蕊妮到所屬的康樂園俱樂部票站投票,阿田因為未有化妝婉拒拍照,阿澤兩公婆用了約15分鐘排隊及成功投票,身穿印上「ANTI BAD VIBES」字句黑tee的他之後停下來接受記者訪問:「今日投票好順利,個chop好乾,唔會有任何印,對咗number、對咗樣,一定冇錯,墨水吹到佢完全乾晒先對摺。」問到會否呼籲未投票的人出來投票,阿澤表示:「我諗我唔會,因為今日睇佢8點半前新聞已知道破咗歷屆投票紀錄,相信今日好多人會去投票。」再問到他想所選的人為社區做甚麼,他表示:「我本身對於選舉係冇期望,亦冇興趣,不過就覺得選舉投票成本低過連儂牆,香港人成日就話好多嘢做唔到,唔知做咗有咩用,乜都逐少做,能力範圍做到就做,做得就去做,其實好小事,你睇我有幾耐,快過黐一幅連儂牆,同埋又安全。」投完票後,阿田就負責揸車離開,同場還見到行政會議成員湯家驊與太太前來投票。 

阿澤投完票後,就在facebook連出兩帖文,當中一張是票站門外的排隊相,他留言:「好開心,見唔到蔣麗芸⋯⋯」,之後再用黑底白字寫上:「投完票,臨走時見到十一哥」,他最後還貼了「嬲嬲」的emoji表情公仔,而畢明就有留言:「咁你輩份高啲,佢排十一,最多係你契細佬,個契細佬。#過年時就識分㗎喇」,亦有網民留言:「咁你有冇代我XX條仆街呢」,阿澤回覆:「你認為X完佢佢會少條毛咩,萬一佢報警,就壞事㗎喇。」

去片: