其實都拖左幾耐下,本來想隻GAME一開服試完就寫,但基於「不定期」既定律,所以篇野今日先出爐,到底呢隻《天堂M》係咪值得一班老手回味呢?

畫面上真係當年隻天堂,懷舊係好,但睇怕時代已經跟唔上……
首先佢同原本隻天堂真係無咩分別,真係某天字頭手遊咁又係SELL自己將PC版搬到落手機上面,但認真講句,異次猿作為一個「新人」,如果唔係當年玩過天堂既話,真係會覺得好悶,畢竟佢真係不停水你去打怪就算,真係寧願玩畫質好啲既《天堂2:革命》好過。

商城啲野貴到阿媽都唔認得,連一個8蚊既新手包都唔諗住出比你
不過就當我係老玩家既角度去睇,一打開個商城基本上真係唔想比錢佢,由於佢唔係好似以前咁行月費,而佢又原汁原味繼承埋「爛橙」既作風,所以連個新手包都貴到連利是錢都蝕埋比佢,另一方面,其實有玩家都發現佢啲機率設定有偷偷調整過,唔會好似韓版咁正常,講到呢到,相信大家都應該唔會想送錢比佢……

唔知係咪覺得online game始終都係pc到玩會好啲,咁多野感覺好累贅
到最後,可能異次猿真係覺得online game應該係返電腦到玩先會有feel,手機版既介面令我感覺好累贅,綜合咁多野,都好明白點解呢隻野評分又會咁低,當然,如果你想回味唔係唔得,但真係建議唔好送錢同投放咁多心機比佢~
畫質:★☆☆☆☆
趣味性:★★☆☆☆
懷舊還原度:★★★★☆
食水程度:★★★★☆