萬聖節會有好多人Cosplay唔同嘅恐怖角色係果一日開party盡興。只不過係台灣就有個小朋友走去Cosplay Annabelle,而且仲要係男仔黎架。不過最令人發笑嘅係佢未趕得切落妝就比人捉咗去診所睇醫生所以心情唔係好好,佢果種非常不滿同厭世嘅表情同埋佢化嘅妝真係會笑死街坊架!就好似下面咁:

呢位小朋友戴住一個女仔假髮,著住白色禮服同絲襪,成個裝扮都跟到足。再加上因為不情不願比人捉去睇醫生果種不滿情緒,真係演活咗咩叫黑口黑面

見到咁,真係醫生都比佢嚇一嚇,不過醫生見佢個樣咁得意所以睇症果陣都忍唔住笑,縱使佢望住醫生個樣真係相當不滿,直頭好似想食咗佢咁。

不過事後呢位小朋友嘅媽媽就係網上解釋,其實佢仔仔點解果日咁不滿除咗因為要醫生之外,就係因為當初仔仔其實係想扮蝙蝠俠,不過媽媽就話可以搞啲特別野,所以就提議佢扮Annabelle,聽到呢個名,本身仔仔就以為係靚靚嘅小公主,所以就應承咗。應承咗之後先知原來係咁,所以就頂硬上扮Annabelle。雖然佢成程都黑口黑面,但小編都非常佩服佢重視承諾嘅精神,細細個已經係找數真漢子。